لو صحيت مخضوض في نص الليل .. لو لقيت مني رسالة .. اعرف إني صحيت قلقانة .. اعرف إني خايفة عليك .. و ان اللي بيننا كبير .. اللي بيننا آمانة
وقت ما كان حلمي بسيط .. شايلاه و ماشية بيه جنب الحيط .. وقت ما شوفتك بتمد لي إيديك .. آمنت بيا و آمنت بيك .. و من وقتها صدقت .. إن اللي بيننا كبير ..
رحلات و موج و رياح و حلم رافع راسه نِفسه يطير .. و ناس تعدي شوية تهدي و تحملنا حِمل يفيض الكيل ..
نشبك إدينا و نعدي بيه و نرجع نحلم تاني ونطير طير .. و تعدي أيام و سنين و نلاقي .. إن اللي بيننا كبير..
اللي بيننا أكبر من أي قوالة .. أو كلمة في رسالة .. مهما طالت في يوم مسيرها تروح .. و اللي بيننا أبدا و الله ما يروح..
اللي بيننا جوه القلوب محفور .. شاهدة عليه أماكنّا و أيام بينا تدور .. أيام تعدي و أيام كمان بقت شهر و شهور..
بنيننا فيها .. زرعنا فيها ياما ريحان و عطور .. و مسك يشهد عليه اللي عدّى .. بني إنسان و طيور ..
و مهما غيبنا عن أرضنا عمرها ما تبور .. دي ضيها لو حُر .. يخفي أي بدور ..
و الدنيا بينا تدور ..
و نرجع نلاقينا هنا .. كلنا كدة مع بعضنا .. نِحِن لزماننا و فرشنا .. و عهد أخدنا كلنا ..
إن مهما غيبنا عنها مسيرنا في يوم نرجع ليها و ترجع لنا .. نبني و نزرع عشق اتسلب من حقنا ..
أصل اللي بيننا كبير ..
و اللي زرعناه كتير .. و اللي حصدناه في قلب الغربة عزفناه مواويل ..
أيوة اللي بيننا كبير ..
شاهد عليه رب الكون .. يجري في سماه الطير
سبحان من بإيده جمعنا .. و بإيده يتم لنا الخير :)
WOoOoOoOoOoOW gamda f7t eltnaneeeeeeen
ReplyDeleteربنا يخليك يا ميسرة :)) أنا كنت قاعدة كدة مع نفسي قلت أكتبهم لحد ما ابقى أكملها .. أو الإلهام يزورني تاني
Delete:D :))
إن شاء الله أكملها :))
يا مسهل عاوزين نشوف تأثير الورد اللي انتي حاطاه باك جراوند ده هيعمل ايه ... متعينا يا حاجه بس انا حاسس انك عاملاها غامضة شويه مش عارف مين المتحدث إليه او موجهه لمين .. حاسس انها ممكن تكون سياسية على رومانسيه على اجتماعيه مش فاهمها كويس
Deleteهاها .. ما هي دي بقى الخُدعة :P
Deleteهو انا كنت عاوز اعمل لايك على آخر كومنت اعمله ازاي ؟
Deleteلأ هنا ما فيش لايك :D :P
Delete