حكم العسكر زي السكر المحروق!
حكم العسكر قام و اتنكر و شَكِّل طوق.
حكم العسكر قال للمصري إوعى تفوق.
حكمنا مدني لا للعسكر, نعم لرد الحقوق
-------------
لو مصري و نازل تتظاهر, اتظاهر بس بأدب, بزوق!
حاوطوا ميدانا, حافظوا عليه, لا التحرير يصبح سوق
و لو مصري ضد التظاهر, إوعاك تتكلم في بوق
اتكلم, سَمَّع و اسمع, و افهم كويس الفروق
لا المتظاهر جي بيشحت و لا حضرتك كونت أو دوق
ده الكل ياما شاف المر, و الحق على الكل مسروق
و زي ما للثورة ضي, للحرية برده شروق
وحد صفك, إنت و هو, و أنا و هي, نعلى لفوق
دي الحرية غالية و الله, و بلادي بتنادي بشوق
مع أو ضد, أمر طبيعي, ده احنا اتخلقنا عروق
مهما اختلافنا لازم ننهيها بصوت نزيه في الصندوق
صوتك أمانة تُسأل عليها .. اياك تبطله أو تُسكته .. كون لبلادك مصدر ضوء
Written on: Friday, 18 November 2011 at 02:46
No comments:
Post a Comment